किस्पाङ गाउँपालिकाका अध्यक्ष वीरबल तामाङ सिंहदरबारबाटै पक्राउ
काठमाडौं : प्रधानमन्त्री वालेन्द्र शाहसँग छलफल गर्न सिंहदरबार पुगेका नुवाकोटको किस्पाङ गाउँपालिकाका अध्यक्ष वीरबल तामाङ पक्राउ परेका छन् । उनलाई प्रहरीले सिंहदरबारबाटै नियन्त्रणमा लिएको हो ।
प्रधानमन्त्री शाहले भदौ १० गते रसुवाको भोटेकोशी हुँदै आएको बाढीपछि संकटग्रस्त घोषणा गरिएका विभिन्न जिल्ला तथा स्थानीय तहका जनप्रतिनिधिहरूसँग आज छलफल गरेका थिए ।
प्रधानमन्त्री तथा मन्त्रिपरिषद्को कार्यालयमा भएको उक्त छलफलमा बैंकिङ कसुर मुद्दामा काठमाडौं जिल्ला अदालतबाट वैशाख २८ गते नै पक्राउ पुर्जी जारी भएका अध्यक्ष तामाङ पनि सहभागी हुन गएका थिए ।
सोही क्रममा प्रहरीले उनलाई नियन्त्रणमा लिएर प्रहरी वृत्त दरबारमार्गमा लगिएको जनाएको छ ।
प्रकाशित मिति: सोमबार, भदौ २९, २०८३ १६:३२
प्रतिक्रिया दिनुहोस्
साताको लोकप्रीय
