काठमाडौं : मगर राष्ट्रसेवक कर्मचारी समाज, नेपालले आफ्नो वार्षिक साधारण सभा सम्पन्न गर्दै खिम बहादुर राना मगरको अध्यक्षतामा १३ सदस्यीय नयाँ कार्यसमिति गठन गरेको छ ।

सभाको अध्यक्षता संस्थाका अध्यक्ष जगत बहादुर रेश्मी मगरले गरेका थिए भने सञ्चालन सचिव राजेन्द्र थापा मगरले गरेका थिए । कार्यक्रममा आदिवासी जनजाति आयोगका अध्यक्ष रामबहादुर थापा मगर प्रमुख अतिथिका रूपमा उपस्थित थिए ।

कार्यक्रममा नेपाल मगर संघ केन्द्रीय समिति सह–अध्यक्ष गंगा खासु मगर, उच्च अदालत पाटनका न्यायाधीश चन्द्रबहादुर सारु मगर, प्रा. डा. चित्र बहादुर बुढाठोकी मगर, नेपाल सरकारका सह–सचिव उदयबहादुर राना मगर तथा शंकर बुढाठोकी मगर, एसएसपी वीरबहादुर बुढा मगर, कर्णेल लव थापा मगर, समाजसेवी तथा व्यवसायी दिलबहादुर थापा मगर, मगर आदिवासी प्राज्ञिक प्रतिष्ठानका अध्यक्ष विष्णु सिंजाली मगर, सरस्वती बहुमुखी क्याम्पसका उपप्राध्यापक झकेन्द्र घर्ती मगर, नेपाल राष्ट्रिय निजामती संगठनका सचिव राजु राना मगरलगायतका अतिथिहरूको सहभागिता थियो ।

सभाबाट समाजको अध्यक्षमा नापी विभाग, अर्घाखाँचीका प्रमुख नापी अधिकृत खिम बहादुर राना मगर चयन भएका छन् । उपाध्यक्षमा गृह मन्त्रालयका बाग्लुङका शाखा अधिकृत जितेन्द्र बलामी मगर निर्वाचित भएका छन् । सचिवमा ललितपुरका दीपक थापा मगर, जो लोकसेवा आयोगमा कानुन अधिकृतका रूपमा कार्यरत छन्, चयन भएका छन् । कोषाध्यक्षमा काभ्रेकी प्रेरणा क्याप्छाकी मगर, आन्तरिक राजस्व कार्यालय पुतलीसडकमा कर अधिकृत, जिम्मेवारी पाएकी छन् ।

सदस्यतर्फ संघीय मामिला तथा सामान्य प्रशासन मन्त्रालयका उप–सचिव शेर बहादुर पुन मगर (रुकुम पश्चिम), धादिङमा कार्यरत नापी अधिकृत छत्रबहादुर लुङ्गेली (सर्लाही), गृह मन्त्रालयका शाखा अधिकृत रामचन्द्र आले मगर (ललितपुर), अर्थ मन्त्रालयका शाखा अधिकृत जीवन बहादुर आले मगर (गोरखा), आदिवासी जनजाति राष्ट्रिय उत्थान प्रतिष्ठानमा अधिकृत मनमाया थापा मगर (रुपन्देही), खाद्य व्यवस्था तथा व्यापार कम्पनी लिमिटेडका सह–विभागीय प्रबन्धक खिम प्रकाश बुढा मगर (रुकुम पश्चिम), उच्च अदालत पाटनकी अधिकृत सुन्दरी आले मगर (पाल्पा), अभिमान सिंह पल्ली मगर र गढी गाउँपालिकामा कार्यरत मन्जु तुम्सिङ मगर (मकवानपुर) चयन भएका छन् ।

साधारण सभापछि निवर्तमान अध्यक्ष जगतबहादुर रेश्मी मगरले संस्थाका सबै दस्तावेज र माइन्युट नवनिर्वाचित अध्यक्ष खिमबहादुर राना मगरलाई औपचारिक रूपमा हस्तान्तरण गरेका छन् ।