दीपेन्द्रसिंह ऐरीले नेपाल प्रहरीबाट दिए राजीनामा
काठमाडौं : नेपाली राष्ट्रिय क्रिकेट टोलीका उपकप्तान दीपेन्द्रसिंह ऐरीले नेपाल प्रहरीबाट राजीनामा दिएका छन्।
प्रहरी सहायक हवल्दार पदमा रहेका उनले केही समय अगाडि राजीनमा दिएका हुन् ।
विभागीय टोली नेपाल पुलिस क्लबका कप्तानसमेत रहेका ऐरीले २०८२ बैशाख २८ गते राजीनामा दिएको बताइएको छ ।
नेपाल प्रहरीका केन्द्रीय प्रहरी प्रवक्ता विनोद घिमिरेले दीपेन्द्रको राजीनामा स्वीकृत भइसकेको जानकारी दिए ।
उनी सन् २०१६ देखि प्रहरी सेवामा थिए । २०८० असोजमा उनी प्रहरी सहायक हवल्दारमा बढुवा भएका थिए ।
चीनमा सम्पन्न १९औं एसियन गेन्समा टी-२० क्रिकेटमा ६ छक्का हानेर विश्व रेकर्ड कायम गरेपछि उनले प्रहरी जवानबाट सहायक हवलदारमा विशेष बढुवा पाएका थिए ।
प्रकाशित मिति: बुधबार, असार ११, २०८२ १५:५४
प्रतिक्रिया दिनुहोस्
साताको लोकप्रीय
