च्याटजीपीटी प्रयोग गरी प्रधानमन्त्री राहत कोषको नक्कली स्टेटमेन्ट बनाएको आरोपमा एक पक्राउ
-1724564455.jpg)
काठमाडौं : प्रधानमन्त्री दैवी प्रकोप उद्धार कोषमा रकम सहयोग गरेको भन्दै नक्कली बैंक स्टेटमेन्ट बनाएर सामाजिक सञ्जालमा पोस्ट गरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा रामेछापको गोकुलगंगा गाउँपालिका–२, ठोसेका ३२ वर्षीय भगवान कार्की रहेका छन् ।
नेपाल प्रहरीका अनुसार कार्कीले रसुवाको भोटेकोशी नदीमा आएको बाढीबाट प्रभावितको उद्धार तथा राहतका लागि सरकारले सञ्चालन गरेको प्रधानमन्त्री दैवी प्रकोप उद्धार कोषमा एक लाख २० हजार रुपैयाँ सहयोग गरेको दाबी गरेका थिए ।
उनले च्याटजीपीटी प्रयोग गरी सहयोग रकम जम्मा गरेको देखिने नक्कली स्टेटमेन्ट तयार पारेको र आफ्नो क्युआर कोडसमेत सामाजिक सञ्जालमा पोस्ट गरेको प्रहरीको भनाइ छ ।
कार्कीलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति: आइतबार, भदौ १४, २०८३ १२:३३
प्रतिक्रिया दिनुहोस्
साताको लोकप्रीय
