कांग्रेस दास र लासहरूको पार्टी होइन : गगन थापा
काठमाडौं : नेपाली कांग्रेसका महामन्त्री गगनकुमार थापाले कांग्रेस दास र लासहरूको पार्टी नभएको बताएका छन् ।
आइतबार साँझ भृकुटीमण्डपमा जारी कांग्रेसको विशेष महाधिवेशनको उद्घाटन समारोहलाई सम्बोधन गर्दै थापाले कांग्रेस जिउँदा जाग्दा मानिसहरूको पार्टी भएको बताएका हुन् ।
उनले कांग्रेस कुनै बा को पार्टी नभएको समेत बताए ।
‘कांग्रेस दास र लासहरूको पार्टी होइन । यो जिउँदा मान्छेहरूको पार्टी हो । यहाँ कुनै बा छैन, जसले नबोल् भन्दा चुप्प लाग्नुपर्छ । यहाँ सबैको हैसियत बराबर छ’ थापाले भने ।
उनले कांग्रेसमा प्रश्नलाई निषेध नरहेको पनि बताए ।
‘जसले प्रश्न गर्न सक्दैन, उसले उत्तर पनि खोज्न सक्दैन’, थापाले भने, ‘जसले प्रश्न गर्न सक्दैन, उसले समाजलाई उत्तर दिन पनि सक्दैन’, थापाले भने ।
प्रकाशित मिति: आइतबार, पुस २७, २०८२ १८:५५
प्रतिक्रिया दिनुहोस्
थप राजनीति
साताको लोकप्रीय
