मधेश प्रदेश सभाको सभामुखमा जसपाका यादव निर्वाचित
काठमाडौं : मधेश प्रदेश सभाको सभामुखमा जनता समाजवादी पार्टी (जसपा) नेपालका रामअशिष यादव निर्वाचित भएका छन् ।
आइतबार प्रदेश सभा बैठकमा भएको मत विभाजनमा सातदलीय गठबन्धनका उम्मेदवार यादवले ७२ मत प्राप्त गरे भने विपक्षमा २४ मत परेको थियो ।
बैठकमा ९६ सांसद उपस्थित भएका थिए । उपसभामुख बबिता राउत इशरले यादव निर्वाचित भएको घोषणा गरेकी थिइन् ।
नेपाली कांग्रेसका सांसद वीरेन्द्र प्रसाद सिंहले यादवको प्रस्ताव गरेका थिए । एमालेका उम्मेदवार त्रिलोकी प्रसाद यादवको प्रस्ताव भने अघि बढाइएन ।
धनुषा क्षेत्र नं. २ (ख) बाट निर्वाचित यादव दोस्रो कार्यकालका सांसद तथा जसपा नेपालका प्रमुख सचेतक हुन् ।
प्रकाशित मिति: आइतबार, पुस ६, २०८२ १६:३१
प्रतिक्रिया दिनुहोस्
थप राजनीति
साताको लोकप्रीय
