एमाले महाधिवेशन : ४ बजेसम्म ७ सय मत खस्यो
काठमाडौं : नेकपा एमालेको ११औं महाधिवेशनमा नेतृत्व चयनका लागि मतदान जारी रहेको छ । बुधबार बिहान सवा ९ बजेबाट सुरु भएको मतदानमा अपराह्न ४ बजेसम्म ७ सय मत खसेको छ ।
एमालेको निर्वाचन आयोगका अनुसार २ हजार २ सय ६३ मतदाता रहेकामा ४ बजेसम्म करिब एकतिहाइ मात्र मत खसेको हो ।
एक जनाका लागि मत हाल्न औसत ४० मिनेट समय लागेको निर्वाचन आयोगले बताएको छ । जसका कारण मतदानमा ढिलाइ भएको हो ।
१९ पदाधिकारी, ३०१ केन्द्रीय सदस्य तथा अनुशासन आयोग र लेखा आयोगका पदाधिकारीका लागि निर्वाचन भएको हो ।
एमालेको अध्यक्षका लागि केपी शर्मा ओली र ईश्वर पोखरेल प्यानलसहित चुनावी प्रतिस्पर्धामा छन् ।
प्रकाशित मिति: बुधबार, पुस २, २०८२ १६:३१
प्रतिक्रिया दिनुहोस्
थप राजनीति
-1768554468.jpeg)
साताको लोकप्रीय
