काठमाडौं  : एमाले नेता ईश्वर पोखरेलले पार्टी अध्यक्षको लागि उम्मेदवारी घोषणा गरेका छन् । मंगलबार एक वक्तव्यमार्फत उनले अध्यक्षमा उम्मेदवारी घोषणा गरेका हुन् ।

‘पार्टी पुनर्गठन र रुपान्तरणका लागि देशभरिका साथीहरूले गर्नुभएको आग्रह र सुझावलाई स्वीकार गरेर अध्यक्ष पदमा उम्मेदवारी घोषणा गरेको हुँ,’ उनले भनेका छन्, ‘पार्टीका कमरेडहरूको योग्यता, क्षमता र रुचिअनुसार जिम्मेवारी प्रदान गर्दै सामूहिक नेतृत्व र पहलमार्फत नेकपा (एमाले)लाई निर्णायक राष्ट्रिय शक्तिका रूपमा विकास गर्न म प्रतिबद्ध छु ।’