अब कहिल्यै पनि नफुट्ने प्रतिबद्धतासहित अघि बढौं : झलनाथ खनाल
काठमाडौं : पूर्वप्रधानमन्त्री झलनाथ खनालले एकतामा बल पुर्यान सम्मेलनमा सहभागी भएको बताएका छन् ।
आज भृकुटीमण्डपमा भएको पार्टी एकतासभामा बोल्दै खनालले केही ढिला गरी आउनुमा कारण रहेको त्यो कारण प्रचण्डालाई भनिसकेको बताए । ‘केही रिजर्भेसन भए पनि एकतामा बल पुर्याउन आएको हुँ,’ उनले भने, ‘नयाँ संकल्प लिएर अगाडि बढ्नुपर्छ ।’
सम्पूर्ण वामपन्थी शक्तिहरू एकजुट भएर देशलाई जिताउनुपर्ने खनालको भनाइ छ । उनले कम्युनिस्ट पार्टीभित्रको खराब पक्ष उखेलेर फ्याँक्नुपर्ने आवश्यकता भएको बताए । उनले आफ्ना गल्ती कमजोरी हटाउनुपर्ने र आत्मसमीक्षा गर्नुपर्ने बताएका छन् ।
‘हिजो भएका गल्ती कमजोरीलाई सच्याइएन भने फेरि हिजोकै अवस्था आउँछ’, खनालले सम्बोधनका क्रममा भने ।
खनालले अब कहिल्यै पनि नफुट्ने प्रतिबद्धतासहित अघि बढ्न पनि आग्रह गरेका छन् ।
प्रकाशित मिति: बुधबार, कात्तिक १९, २०८२ १५:४१
प्रतिक्रिया दिनुहोस्
थप राजनीति
-1764498589.jpeg)
साताको लोकप्रीय
