डडेल्धुरामा जिप दुर्घटना, ४ जनाको मृत्यु
काठमाडौँ : डडेल्धुरामा जिप दुर्घटना हुँदा चार जनाको मृत्यु भएको छ भने अन्य ६ जना भने घाइते भएका छन् ।
बिहान सवा ९ बजेतिर नवदुर्गा गाउँपालिका-५ चौडमा से १ ज ७३८ नम्बरको जिप दुर्घटना हुँदा चार जनाको घटनास्थलमै मृत्यु भएको हो ।
दुर्घटनामा परेर नवदुर्गा–५ का १८ वर्षीय सुरेश साउद, २३ वर्षीय सुरेश पार्की, ४० वर्षीया तारा अवस्थी र ७२ वर्षीया कलावती साउदको मृत्यु भएको प्रहरीले जनाएको छ ।
जिल्ला प्रहरी कार्यालयका अनुसार दुर्घटनामा ६ जना घाइते भएका छन् । उनीहरूको उद्धार गरी जिल्ला अस्पताल डडेल्धुरामा पठाइएको छ ।
जिप सडकबाट अन्दाजी ३ सय मिटर तल खसेको हो ।
प्रकाशित मिति: बिहीबार, भदौ १२, २०८२ ११:३६
प्रतिक्रिया दिनुहोस्
थप समाचार
साताको लोकप्रीय
