काठमाडौं : प्रमुख प्रतिपक्षी दल नेपाली कांग्रेसका सचेतक निश्कल राईले वर्तमान सरकारले प्रधानमन्त्री बालेन्द्र शाहलाई प्रश्न गर्न पाइँदैन भन्ने भाष्य स्थापित गर्न खोजेको आरोप लगाएका छन् । 

प्रतिनिधि सभाको आजको बैठकमा सांसद राईले देशमा संविधान र कानुनको परिधिभन्दा माथि ‘श्री ८ बालेन्द्र शाह’ हुनुहुन्छ भन्ने खालको चेतावनीपूर्ण सन्देश आम नागरिकलाई दिन खोजिएको टिप्पणी गरे।

सांसदले सम्बोधनका क्रममा पौराणिक कथाका पात्र हिरण्यकश्यपुको प्रसंग उल्लेख गर्दै वर्तमान सरकारको कार्यशैली सोही प्रवृत्तिसँग मिल्दोजुल्दो रहेको आरोप लगाए ।