काठमाडौं : जनकपुरबाट पैदल यात्रा गर्दै काठमाडौंतर्फ प्रस्थान गरेका मिटरब्याज पीडितहरूलाई भेट्न गृहमन्त्री सुधन गुरुङ निजगढ पुगेका छन् ।
आफ्ना मागहरू पूरा गराउन दबाब दिने उद्देश्यले पैदल यात्रामा निस्किएका पीडितहरू आइपुगेपछि गृहमन्त्री गुरुङ पीडितहरूसँग भेट्न बाराको निजगढ पुगेका हुन् ।
निजगढ पुगेर गृहमन्त्री गुरुङले मिटरब्याज पीडितसँग छलफल गर्न सुरु गरेका छन् ।
मिटरब्याज पीडितहरूले तमसुक जलाएर जनकपुरको तिरहुतियागाछीबाट ६ दिनअघि पैदल मार्च सुरू गरेका थिए ।
वालेन्द्र शाहले प्रधानमन्त्री बन्नुअघि जनकपुरधामबाटै गरेको सम्बोधनमा मिटरब्याजबाट पीडित भएकाहरूको समस्या समाधान गर्ने उद्घोष गरेता पनि १०० दिन बितिसक्दा पनि आफूहरुलाई बेवास्ता गरेको उनीहरूको गुनासो छ ।
उनीहरूले तमसुक व्यवस्था खारेज गरिनुपर्ने, मिटरब्याज पीडितको पक्षमा विशेष ऐन ल्याउनुपर्ने, पीडितहरूको चल-अचल सबै सम्पत्ति फिर्ता गरिनुपर्ने लगायत माग राखेका छन् ।
