काठमाडौं : प्रमुख प्रतिपक्षी दल नेपाली कांग्रेसकी सांसद रेणुका काउचाले सत्तारुढ राष्ट्रिय स्वतन्त्र पार्टी (रास्वपा)ले ३५ हजार भन्दा बढी बालबालिकालाई पार्टीमा परिचालित गरेको विषयले आफूलाई निकै गम्भीर र आश्चर्य चकित बनाएको बताएकी छन् ।
सांसद काउचाले नेपालको संविधान, कानुनले समेत बर्जित गरेको अवस्थामा उक्त पार्टीमा ठुलो संख्यामा बालबालिकाहरू रहेको उल्लेख गर्दै उनीहरूले निर्वाचित गरेका पदाधिकारी तथा सदस्यको वैधानिकतमाथि प्रश्न उठेको समेत बताइन् ।
आइतबार प्रतिनिधिसभा बैठकमा बोल्दै सांसद काउचाले बालबालिकाहरुलाई पार्टीको झोला नबोकाउने भन्दै स्ववियु लगायतका संघ, संस्थाहरु खारेज गर्ने सत्तारुढ दल रास्वपाले संविधान विपरीत बालबालिकालाई पार्टीमा प्रयोग गरेकाले त्यस विषयमा कारबाही गर्नुपर्छ कि पर्दैन ? भन्दै सरकारलाई प्रश्न समेत गरिन् ।
सांसद काउचाले रास्वपा संविधान र कानुनभन्दा माथि नभएको उसले पनि त्यसको पूर्ण पालना गरेर अघि बढ्नुपर्ने समेत बताइन् ।
