प्रहरीले गोली चलाएर समात्यो लागुऔषध कारोबारी
काठमाडौं : काठमाडौं महानगरपालिका–३२ बालकुमारी पुलमुनि लागुऔषध नियन्त्रण ब्युरोको टोलीले २९६ ग्राम ब्राउन सुगरसहित तीन जनालाई पक्राउ गरेको छ ।
ब्युरोको टोलीले चेकजाँचका क्रममा पर्साको पटेर्वा सुगौली गाउँपालिका–४ स्थायी घर भएका ३९ वर्षीय किशोरीप्रसाद ओझैयासहित तीन जनालाई नियन्त्रणमा लिइएको हो ।
प्रहरीका अनुसार पक्राउ गर्ने क्रममा ओझैया लागु औषधसहित भाग्न खोजेपछि उनलाई नियन्त्रणमा लिन प्रहरीले दाहिने खुट्टाको पिँडौलामा गोली प्रहार गरेको थियो ।
घाइते ओझैयालाई तत्काल वीर अस्पतालमा उपचारका लागि लगिएको र हाल उपचार भइरहेको प्रहरीले जनाएको छ । घटनाबारे थप अनुसन्धान भइरहेको प्रहरीले जानकारी दिएको छ ।
प्रकाशित मिति: शनिबार, असार ६, २०८३ १९:२३
प्रतिक्रिया दिनुहोस्
साताको लोकप्रीय
