काठमाडौं : प्रतिनिधिसभाको बैठक भोलि मंगलबारसम्मका लागि स्थगित भएको छ ।
सोमबार विपक्षी दलहरूले कार्यसूचीमा प्रवेश गर्न नदिएपछि १५ मिनेटका लागि स्थगित गरिएस्को बैठक सूचना टाँसेर भोलिसम्मका स्थगित गरिएको हो ।
सङ्घीय संसद् सचिवालयका महासचिव पद्मप्रसाद पाण्डेले सूचना जारी गर्दै मंगलवार दिउँसो १ बजेसम्मका लागि बैठक स्थगित गरिएको जानकारी दिएका छन् ।
संसद् सचिवालयले जारी गरेको सूचनामा भनिएको छ, ‘१५ मिनेटका लागि स्थगित भएको प्रतिनिधिसभा बैठक विशेष कारणले उक्त समयमा बस्न नसक्ने भएकोले प्रतिनिधिसभा नियमावली ०८३ को नियम ६ को उपनियम ३ बमोजिम सभामुखले सभाको बैठक जेठ २६ गते मंगलबार दिनको १ बजे बस्ने गरी निर्धारण गर्नु भएको जानकारीका लागि यो सूचना प्रकाशित गरिएको छ ।’
प्रधानमन्त्री वालेन्द्र शाहले सीमासम्बन्धमा दिएको विवादित अभिव्यक्ति सच्याउँदै माफी माग्नुपर्ने भन्दै विपक्षी दलहरूले बैठकमा अवरोध गर्दै आएका छन् ।
