काठमाडौं : विशेष अदालतले पूर्वसभामुख कृष्णबहादुर महरालाई एक लाख रुपैयाँ धरौटीमा छाड्न आदेश दिएको छ ।

विशेष अदालतका अध्यक्ष सुदर्शनदेव भट्ट र सदस्य बिदुर कोइरालाको इजलासले पूर्वसभामुख महरालाई विद्युतीय चुरोट (भेप)भित्र राखेर सुन तस्करीमा सघाएको आरोपसहितको मुद्दामा एक लाख रुपैयाँ धरौटीमा छाड्न आदेश दिएको हो ।

विद्युतीय चुरोट (भेप) मा लुकाएर सुन तस्करीको अभियोगमा अख्तियारले विशेष अदालतमा मुद्दा दर्ता गरेको थियो ।