लिपुलेक–लिम्पियाधुराबारे इंग्ल्यान्ड सरकारसँग पनि कुरा गरेका छौंः प्रधानमन्त्री
काठमाडौँ : प्रधानमन्त्री बालेन्द्र शाहले भारतसँगको लिपलेक लिम्पियाधुराको विवादबारे सरकारले इंग्ल्यान्डसँग पनि कुरा गरेको बताएका छन् ।
यो विवाद ब्रिटिश इन्डियाले भारत छोडेदेखिको विषय भएकाले इंग्ल्यान्ड सरकारले पनि सरोकार राख्नुपर्ने सरकारको धारणा रहेको उनको भनाइ छ ।
एमाले सांसद पद्मा अर्यालले लिपुलेक लिम्पियाधुराबारे भारत र चीनले गरेको नयाँ समझदारीबारे सरकारको धारणा मागेकी थिइन् । जवाफमा शाहले यो विषयमा सरकारले दुवै देशलाई कुटनीतिक नोट दिइसकेको बताए । साथै, भारतले यसको जवाफ पनि दिएको उनले जानकारी दिए ।
प्रधानमन्त्री शाहका अनुसार भारतले यो विषयमा दुवै देशका विज्ञहरुसहित टेबल टकबाट समाधान निकाल्ने प्रस्तताव गरेको छ । इंग्ल्यान्डसँग पनि छलफल गरेर सरकारले यो विषयमा समाधान निकाल्ने शाहले बताएका छन् ।
प्रकाशित मिति: आइतबार, जेठ १७, २०८३ १३:५७
प्रतिक्रिया दिनुहोस्
थप समाचार
साताको लोकप्रीय
