त्रिभुवन विमानस्थलबाट ३७ राहदानीसहित एक जना पक्राउ
काठमाडौँ : त्रिभुवन अन्तर्राष्ट्रिय विमानस्थलमा ३७ वटा राहदानीसहित एक जना व्यक्ति पक्राउ परेका छन् ।
विमानस्थल सुरक्षा कार्यालयका अनुसार मंगलबार बिहान करिब पौने १२ बजे नेपाल एयरलाइन्सको उडानमार्फत भारतको नयाँ दिल्ली जान लागेका एक यात्रुलाई नियन्त्रणमा लिइएको हो ।
पक्राउ पर्ने व्यक्ति सिरहाको धनगढीमाई नगरपालिका-१३ का अजित श्रेष्ठ रहेको प्रहरीले जनाएको छ ।
प्रारम्भिक जानकारीअनुसार आवश्यक आधिकारिक अनुमति तथा कागजातबिनै ३७ वटा राहदानी रोमानिया भिसा प्रक्रियाका लागि भारत लैजाने क्रममा उनी पक्राउ परेका हुन् ।
उक्त घटनाबारे थप अनुसन्धानका लागि उनलाई उपत्यका अपराध अनुसन्धान कार्यालय टेकुमा पठाइएको प्रहरीले जनाएको छ ।
प्रकाशित मिति: मंगलबार, जेठ ५, २०८३ १७:२४
प्रतिक्रिया दिनुहोस्
साताको लोकप्रीय
