प्रस्तावित प्रधानन्यायाधीश शर्माविरुद्ध १६ वटा उजुरी, संसदीय सुनुवाइ मंगलबार
काठमाडौं : प्रस्तावित प्रधानन्यायाधीश डा. मनोज शर्माको संसदीय सुनुवाइ भोलि मंगलबार नै हुने भएको छ ।
संसदीय सुनुवाइ समितिले शर्माविरुद्धका उजुरीहरू मंगलबार खोलेर उजुरीकर्तासँग छलफल गर्ने र मंगलबार नै संसदीय सुनुवाइ गर्ने तयारी गरेको हो ।
समितिका सभापति बोधनारायण श्रेष्ठले मंगलबार दिनभरमा सुनुवाइ सकिनेगरी तयारी थालिएको जानकारी दिए ।
शर्माविरुद्ध १६ वटा उजुरी परेको छ । गत वैशाख २६ गते बसेको संसदीय सुनुवाइ समितिको बैठकले शर्माविरूद्ध उजुरी आह्वान गरेको थियो ।
संवैधानिक परिषद्को बहुमतले वैशाख २४ गते सर्वोच्च अदालतको प्रधानन्यायधीशमा शर्मालाई सिफारिस गर्ने निर्णय गरेको थियो ।
प्रकाशित मिति: सोमबार, जेठ ४, २०८३ २०:४५
प्रतिक्रिया दिनुहोस्
साताको लोकप्रीय
