छायाँ सेन्टर हटाउन माग गर्दै सम्पदा अभियन्ताको प्रदर्शन
काठमाडौँ : ठमेलस्थित छायाँ सेन्टर निर्माणलाई लिएर सम्पदा संरक्षणकर्मीहरूले विरोध प्रदर्शन गरेका छन् । सार्वजनिक कमलपोखरी क्षेत्र अतिक्रमण गरेर संरचना निर्माण गरिएको आरोप लगाउँदै उनीहरूले उक्त भवन हटाउन माग गरेका हुन् ।
माइतीघर क्षेत्रमा आयोजित प्रदर्शनमा सहभागी अभियन्ताहरूले ऐतिहासिक तथा सार्वजनिक सम्पदा संरक्षणमा राज्य गम्भीर बन्नुपर्ने बताएका छन् । उनीहरूले सम्पदा क्षेत्र मिचेर निर्माण गरिएका संरचना तत्काल हटाइनुपर्ने धारणा राखेका थिए ।
प्रदर्शनमा कबिर डंगोल लगायत सम्पदा संरक्षण अभियानमा सक्रिय व्यक्तिहरू सहभागी थिए । प्रदर्शनकारीहरूले सर्वोच्च अदालतको ध्यानाकर्षण गराउँदै सार्वजनिक सम्पदा संरक्षणसम्बन्धी निर्णय कार्यान्वयन हुनुपर्ने मागसमेत गरेका छन् ।
प्रकाशित मिति: बिहीबार, वैशाख २४, २०८३ १४:२२
प्रतिक्रिया दिनुहोस्
थप समाचार
-1778672132.jpg)
साताको लोकप्रीय
