धरान : सुनसरीको धरानमा बस दुर्घटना हुँदा ५ जनाको मृत्यु भएको छ । भेडेटारबाट धरानतर्फ आउँदै गरेको बस ब्रेक फेल भएर दुर्घटना भएको हो ।

जनकपुरबाट धनकुटाको भेडेटार पुगेर आएको को १ ख ७११९ नम्बरको बस ब्रेक फेल भएर धरान-१३ स्थित जिरो प्वाइन्ट क्षेत्रमा दुर्घटना भएको प्रहरीले जानकारी दिएको छ ।

दुर्घटनामा १२ जना घाइते भएको र उनीहरूको बिपी कोइराला स्वास्थ्य विज्ञान प्रतिष्ठानमा उपचार भइरहेको प्रहरीले बताएको छ ।