काठमाडौं : नेपाल प्रिमियर लिग (एनपिएल) क्रिकेटमा लुम्बिनी लायन्सले विजयी सुरुवात गरेको छ । बिहीबार भएको खेलमा लुम्बिनीले चितवन राइनोसलाई ६ विकेटले पराजित गर्दै प्रतियोगितामा विजयी सुरुवात गरेको हो ।
टस हारेर पहिले ब्याटिङ गरेको चितवनले निर्धारित २० ओभरमा ७ विकेट गुमाएर १ सय ४२ रन बनाएको थियो। उसका लागि रवि वोपराले सर्वाधिक ६६ रन बनाउँदा देव खनालले १४ रन बनाए ।
त्यस्तै, कुशल मल्लले २१ रन र साइफ जाइबले १५ रन बनाएका थिए । लुम्बिनीका लागि रुवेन ट्रम्पलमेनले ३ विकेट लिँदा अभिषेश गौतमले २ र गुल्बदिन नाइबले २ विकेट लिए ।
१ सय ४३ रनको लक्ष्य पछ्याएको लुम्बिनीले उक्ट लक्ष्य १८.३ ओभरमा ४ विकेट गुमाएर पूरा गर्यो । लुम्बिनीका लागि कप्तान रोहित पौडेलले ३९ रन बनाउँदा गुल्बदिन नाइबले ४४ रनको अविजित इनिङ्स खेले ।
त्यस्तै, सन्दीप जोराले २८ रन बनाउँदा ड’यार्सी सर्टले ११ रन बनाए। त्यस्तै, दिलिप नाथले १० रन बनाएका थिए । चितवनको भने यो दोस्रो खेल हो । यसअघि चितवनले कर्णालीलाई पराजित गरेको थियो ।
