काठमाडौं : रुसी सेनामा भर्ना भएका थप एक नेपालीको मृत्यु भएको छ । मृत्यु हुनेमा  प्युठान नगरपालिका वडा नं. ४ काठेवरका सोनु सुनार रहेका छन् । 

नगरपालिकाका उपमेयर देवेन्द्र वर्माले रुस–युक्रेन युद्धमा सुनारको मृत्यु भएको भन्दै समाजिक सञ्जालमार्फत जानकारी गराएका छन् ।

‘रसियन सेनामा आवद्ध प्युठान नगरपालिका वडा नं. ४ काठेवर निवासी सोनु सुनारको युक्रेन रुस युद्धमा मृत्युु भएको खबरले मर्माहत भएको छु,’ उनले लेखेका छन्, ‘उहाँको आत्माको चीर शान्तिको कामना गर्दै शोकसन्तप्त परिवारजनप्रति गहिरो समवेदना व्यक्त गर्दछु ।’