सर्पले डसेर छाउगोठमा सुतेकी युवतीको मृत्यु
काठमाडौँ : कञ्चनपुरमा छाउगोठमा सुतेका बेला सर्पले डसेर एक महिलाको मृत्यु भएको छ ।
कृष्णपुर नगरपालिका-१ को निगालीमा छाउगोठमा सुतेका बेला २८ वर्षीया कमला आउजीको मृत्यु भएको जिल्ला प्रहरी कार्यालय कञ्चनपुरले जनाएको छ ।
प्रहरीले प्रारम्भिक जानकारीअनुसार सर्पले बायाँ गालामा टोकेपछि उनी गम्भीर घाइते भएकी थिइन् ।
उपचारका लागि सेती प्रादेशिक अस्पताल धनगढी लगिएकोमा शनिवार साँझ ८ बजे उपचारकै क्रममा उनको मृत्यु भएको हो ।
प्रकाशित मिति: आइतबार, असार २९, २०८२ ११:३५
प्रतिक्रिया दिनुहोस्
साताको लोकप्रीय
