कांग्रेसले फिर्ता लियो सरकारलाई दिएको समर्थन
काठमाडौं : नेपाली कांग्रेसले सरकारलाई दिएको समर्थन फिर्ता लिएको छ ।
सभापति शेरबहादुर देउवाको निवास बुढानिलकण्ठमा मंगलबार अपराह्न बसेको केन्द्रीय कार्यसम्पादन समितिको बैठकले प्रधानमन्त्री पुष्पकमल दाहाल 'प्रचण्ड'लाई दिएको समर्थन फिर्ता लिने निर्णय गरेको हो ।
उपसभापति धनराज गुरूङले प्रधानमन्त्री दाहाललाई दिएको समर्थन फिर्ता लिने निर्णय भएको जानकारी दिए ।
प्रधानमन्त्री प्रचण्डले गठबन्धन फेरेपछि कांग्रेसले सरकारलाई दिएको समर्थन फिर्ता लिएर संसदमा पनि प्रतिपक्षमा बस्ने निर्णय गरेको उपसभापति गुरुङले बताए ।
कांग्रेसले समर्थन फिर्ता लिएपछि प्रधानमन्त्री प्रचण्डले अबको ३० दिनभित्र विश्वासको मत लिनुपर्ने संवैधानिक व्यवस्था छ ।
प्रकाशित मिति: मंगलबार, फागुन २२, २०८० १७:५७
प्रतिक्रिया दिनुहोस्
थप राजनीति
साताको लोकप्रीय
